:
بغيت نهضر على ايام الطفولة وبغبتكم تسمعوليا !!
ومايبقاش فيكم الحال إلا طولت عليكم شي شوية !!
زمان العز مشا وتقاليد البلاد ولات منسية !!
واش باقين عاقلين على ايام التصاور المدرسية !!
ايام كنا نلعبو بلاستيك وكاويس والقابوية !!
ايام البراءة ماكين لا هضرت فيك لا هضرتي فيا !!
ايام كنا نخرجو بكسوة العيد فالصبحية !!
باش نجمعو الفلوس من عند المختار والسعدية !!
ايام كانو الدراري الصغار يفرحو بالأضحية !!
ايام الشتاتاتاتاتا والأمثال الشعبية !!
كان كلشي عايش على قد الحال وحاجتو مقضية !!
ايام تفيق مع الصباح وتفطر بالخبز وأتاي والزيت البلدية !!
ايام كانت اهم حاجة فرمضان هي الحريرة والشباكية !!
ايام المرأة دايرة اللثام والراجل لابس الجلابية !!
واش عاقل من كتني تجري فالزنقة تابع الهدية !!
فين ايام النمر المقنع وكونان وسلاحف النينجا فين هي !!
تخرج من القراية تجري باش تفرج فالروسوم ديال العشية !!
ايام كنا نتجمعو حول المائدة ونديرو جلسة عائلية !!
ايام الرفيسة والسفة والكسكس فالقصرية !!
أيام دير 15 وعيط للبومبية !!
مشا زمان الحشمة والوقار مشا زمان النية !!
بقلم أسامة بويردن
أنا من المغرب، احب أن أضع كل ما أعرف من معلومات حول الحاسوب ولاأبخل به عليكم، وخطرت لي فكرة عمل مدونة تضم كل المجالات التعليمية للكومبيوتر التي أستطيع إفادتكم بها، فأرجوا ان لاتبخلوا علي أيضا بمتابعتكم لمواضيعي كما ان تعليقاتكم تهمني وتزيد من عطائي لكم إخوتي الكرام وأي استفسار ان موجود وشكرا
0 التعليقات:
إضغط هنا لإضافة تعليق
إرسال تعليق
Blogger Widgets